1989 жыл

(Шымкент ауруханасында)

(әні мен сөзі өзімдікі)

———————-

Күй шертем тебіренген көңілмен,

Шабыттанып сенің мұңды көзіңнен.

Күйім менің аңсап ұшқан өзіңе

Қарлығаштай жаратылған сезімнен.

———————–

Аққу мойын ақ домбырам наз үнім,

Мөлдіреткен күй сиқырдың нәзігін.

Нәзігім-ау, күйім менің көз жасың,

Ақ жауындай жуып өткен жаз күнін.

————————

Күйім де сен, назым да сен, еңлігім,

Күймен құшып, еркелеткен елігім.

Аққу-қаздай аңсай келсең арманнан

Қонатұғын сезім толқын көліңмін.